سەرۆكی حكومەتی هەرێم كۆچی دوایی پارێزگاری هەولێر بە زیانێكی گەورە بۆ حكومەتی هەرێمی كوردستان دەزانێت، دەڵێت، “داكۆكیكارێكی دیاری پرۆسەی چاكسازیی بوو”
مەسرور بارزانی پەیامێكی بۆ كۆچی دوایی فرسەت سۆفی پارێزگاری هەولێر بڵاوكردەوە، تیایدا هاتووە، “لە هەموو پۆست و بەرپرسیارەتییەكانیدا، داكۆكیكارێكی دیاری پرۆسەی چاكسازیی بوو، بەتایبەتی وەك پارێزگاری هەولێر، ئەركەكانی بە دڵسۆزی و لە خۆبوردویی بەجێ دەگەیاند، بۆیە كۆچكردنەكەی زۆر خەمگینی كردم و زیانێكی گەورەشە بۆ حكومەتی هەرێمی كوردستان”.
سەرۆكی حكومەتی هەرێم ماتەمینیی خۆمی راگەیاندووە و پرسە و سەرەخۆشی لە بنەماڵەكەی و خەڵكی كوردستان و پارێزگای هەولێر دەكات، دەڵێت، “یاد و هەڵوێستەكانی كاك د.فرسەت سۆفی هەمیشە بە زیندویی دەمێننەوە”.
