نوێترین هەواڵ

هۆشیار زێباری هۆشداری دەداتە بەغدا

هۆشیار زێباری ئەندامی مەكتەبی سیاسیی پارتی جەختدەكاتەوە، هێرشە موشەكییەكەی دوو شەو لەمەوبەری سەر ناوچەی سەوز لە بەغدا و باڵیۆزخانەی ئەمریكا “هەڕەشەیەكی راستەقینەیە” و دەڵێت “دەبێت عیراق خۆی بۆ خراپترین سیناریۆ ئامادە بكات”.
زێباری لە هەژماری تایبەتیی خۆی لە تویتەر نوسیویەتی “هێرشە موشەكییەكەی سەر ناوچەی سەوز و باڵیۆزخانەی ئەمریكا لەلایەن میلیشا چەكدارییەكانی دەرەوەی یاسا، هەڕەشەیەكی راستەقینەیە”.
دەشڵێت “لە ساڵیادی كوشتنی قاسم سولەیمانی و ئەبومەهدی موهەندیس كە لە 3ـی كانونی دوەمی 2019 دا كوژران، ئەگەری ئەنجامدانی هێرشی خراپتر هەیە”، هۆشداریشی داوەو حكومەتی عیراقی لەوە ئاگادار كردوەتەوە كە دەبێت “خۆی بۆ خراپترین سیناریۆ ئامادە بكات”.
شەوی سێشەممە دەروازەكانی ناوچەی سەوز لەرێگەی 7 موشەكی كاتیۆشا بە ئامانج گیران، بەگوێرەی زانیارییەكانی هێزە ئەمنییەكان لەو هێرشەدا منداڵێك كوژراوە و 5 كەسی دیكەش برینداربون.

هەواڵی دواتر

مستەفا کازمی هەڵوێستی خۆی لەبارەی رەتکردنەوەی پرۆژە یاسای ئاسایشی خۆراک راگەیاند

لەیەکەم هەڵویستی دژی بڕیارەکەی دادگای فیدڕاڵی بە رەتکردنەوەی پرۆژە یاسای ئاسایشی خۆراک، مستەفا کازمی سەرۆک …

وەڵامێک بنووسە

پۆستی ئەلکترۆنیکەت بڵاو ناکرێتەوە .