نوێترین هەواڵ

كەشناسیی هەرێم: ئەمڕۆ لە سلێمانی و گەرمیان ئەگەری لافاو هەیە

كەشناسیی هەرێم هۆشداری دەدات لەوەی، ئەمڕۆ، بەهۆی بارانی زۆرەوە لە سلێمانی و گەرمیان لافاو دروستببێت، بەڵام سبەینێ كەشوهەوا ئاسایی دەبێتەوە و ئاسمان دەبێتە ساماڵ و پەڵەهەور.
بەڕێوەبەرایەتیی كەشناسی و بومەلەرزەزانیی هەرێمی كوردستان پێشبینییەكانی بۆ كەشوهەوای ئەمڕۆ و سبەینێ ئاشكراكرد، ئەمڕۆ ئاسمان هەور دەبێت لەگەڵ بارینی نمە باران و ئەگەری تاوە باران و هەورە بروسكەش هەیە، كەشناسی هۆشداری داوە لەوەی لە ناوچەكانی سلێمانی و گەرمیان رێژەی بارانبارین بەرز دەبێتەوە و ئەگەری دروستبونی لافاو هەیە.
بەپێی پێشبینیەكانی كەشناسی، سبەینێ ئاسمان ساماڵ دەبێت لەگەڵ هەندێك پەڵە هەور، لە بەیانیدا ئەگەری دروستبوونی تەمێكی سوك هەیە.
كەشناسیی عیراقیش بەهەمانشێوە پێشبینیی كردووە ئەمڕۆ بارانی بەخوڕ لە ناوچەكانی كەركوك و سلێمانی ببارێت و دەڵێت، لافاو دروستدەبێت.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .