پەرلەمانتارێكی كورد: تێپەڕاندنی بودجەی 2021 ئاسان نابێت

دانا شەهید جەزا ئەندامی فراكسیۆنی پارتی دیموكراتی كوردستان لە پەرلەمانی عیراق پێی وایە، تێپەڕاندنی پرۆژەیاسای بودجەی 2021 ئاسان نابێت، داوا دەكات حكومەتی عیراق رونكردنەوەی زیاتر بدات بۆ وەڵامدانەوەی پرسیاری پەرلەمانتاران.
دانا شەهید جەزا لە لێدوانێكی رۆژنامەوانیدا بۆ میدیا عیراقییەكان باسی لەوەكردوە، ئەگەر پەرلەمانتاران رونكردنەوەی تەواویان نەدرێتێ‌ سەبارەت بە سەرجەم ئەو پرسیارانەی هەیانە، تێپەڕاندنی پرۆژەیاسای بودجەی ساڵی داهاتوو ئاسان نابێت.
رونیكردوەتەوە، پەرلەمان و كاری چاودێری و یاسادانان دژی حكومەت نییە و مەبەست لێی بەهێزكردنی دەسەڵاتی جێبەجێكردنە، بۆیە لەسەر حكومەتی عیراق پێویستە هاریكاری لەگەڵ پەرلەماندا بكات بۆ گەیشتن بە داواكارییەكانی گەل.
ئەو پەرلەمانتارە كوردە دەشڵێت، لەوانەیە لای هەندێك كەس بابەتی پرۆژەیاسای بودجە بۆ پڕوپاگەندەی هەڵبژاردن بێت و بە جدیش ئەوە دەستی پێكردوە، بەڵام هەندێك پەرلەمانتاری دیكە مافی ئەوەیان هەیە بزانن پارە و داهات بۆ كوێ دەچێت.

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .