بەریتانیا و فەرەنسا رێگری زیاتر لەبەردەم كۆچەراندا دادەنێن

بەریتانیا و فەرەنسا رێككەوتنێكی نوێیان بۆ رێگریكردنی زیاتر لە كۆچەران و تێپەڕبونیان بە ئاوەكانی نێوانیاندا واژۆكرد. بڕیاریشیان دا هێزی زیاتر بۆ رێگریكردنەكە بەكاربهێنرێت.
وەزارەتی ناوخۆی بەریتانیا رایگەیاند، لەگەڵا فەڕەنسا رێككەوتنێكی نوێیان واژۆكردوە بۆ رێگری زیاتر لە تێپەڕبونی كۆچەران بە نۆكەندی ئینگلیزی و گەشتیان بۆ كەنارئاوەكانی بەریتانیا، ژمارەی ئەو ئەفسەرانەی كەنارەكانی فەڕەنساش دەپشكنن، دەكرێنە دوو هێندە و كەلوپەلی چاودێری و پشكنینی زیاتر جێگیردەكەن.
چاودێریكردنی سنورەكە، بە درێژایی 150 كیلۆمەتر لە هێڵی كەنار دەریا بۆ ئەوەیە تۆڕەكانی قاچاخچێتی بە مرۆڤەوە بكرێنە ئامانج و رێگری بكرێت لەوەی كۆچەران كەنارەكانی فەرەنسا جێبهێڵن و رێگری لە پەڕینەوەی مەترسیدار بكرێت.
بەپێی ئامارەكانی وەزارەتی ناوخۆی بەریتانیا، ئەمساڵ زیاتر لە هەشت هەزار كۆچەر لە وڵاتانی سوریا، ئەفغانستان، عیراق، ئێران و چەندین وڵاتی دیكەوە بەو نۆكەندە مەترسیدارەدا تێپەڕبون، كە چوار ئەوەندەی ساڵی 2019یە، هاوكات فەڕەنساش رێگری لە پێنج هەزاری دیكە كردوە.
پریتی پاتێل وەزیری ناوخۆی بەریتانیا و جێراڵد دارمانین وەزیری ناوخۆی فەرەنسا پابەندبونی خۆیان بە رێككەوتنەكە دووپاتكردوەتەوە و لایەنی بەریتانی باسی لەوەكردوە “جگە لەو پلانانە، سەرەتای ساڵی داهاتو سیستمێكی نوێی پەنابەری رادەگەیەنن”.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .