wazho.net
ئیحسان عەبدولجەبار وەزیری نەوتی عیراق پێشبینی دەكات لەسەرەتای ساڵی 2021دا نرخی نەوت بەرزبونەوە بەخۆیەوەببینێت، تەئیكدیشدەكاتەوە عیراق داوای نەكردوە لە بڕیاری كەمكردنەوەی هەناردە بیبەخشن.
ئیحسان عەبدولجەبار بە رۆژنامەی “سەباح”ی نیمچەفەرمی وتوە “رێككەوتنی “ئۆپێك پڵەس” بۆ كەمكردنەوەی هەناردەی نەوت ئەنجامی ئیجابی هەبوە و كاریگەر بوە لەسەر ئابوری وڵاتە هەناردەكارەكانی نەوت.
رونیشیكردوەتەوە، سوربونی وڵاتانی ئەندام بۆ پابەندبون بە رێككەوتنەكەوە، بەشێوەیەكی گەورە كاریگەری لەسەر بەرزبونەوەی نرخی نەوت دادەنێت، عیراقیش داوای لە ئۆپێك نەكردوە لە بڕیاری كەمكردنەوەی هەناردەی نەوت بیبەخشن.
هەروەها وەزیری نەوتی عیراق دەڵێت “پێشبینی دەكەم لە سەرەتای ساڵی 2021دا نرخی یەك بەرمیل نەوت بگاتە 50 دۆلار، چونكە خواست لەسەر نەوت زیاد دەبێت”.
