سەرۆكایەتیی هەرێمی كوردستان كوشتنی زانا ئەتۆمییەكەی ئێران بە “تیرۆركردن” وەسفدەكات و ئیدانەی كردەوەكە دەكات.
سەرۆكایەتیی هەرێمی كوردستان راگەیەندراوێكی لەبارەی كوشتنی موحسین فەخریزادە زانا ئەتۆمییەكەی ئێران بڵاوكردەوە، تیایدا هاتووە، “تیرۆركردنی زانای ئێرانی موحسین فەخریزادە، كە لە هێرشێكی چەكداریدا تیرۆر كرا، ئیدانە دەكەین، پرسە و سەرەخۆشیمان ئاراستەی سەركردایەتی و گەلی كۆماری ئیسلامیی ئێران و خانەوادەی خوالێخۆشبوو دەكەین”.
رۆژی هەینی 27-11-2020 موحسین فەخریزادە، كە زانایاكی ئەتۆمیی ئێران بوو و بە باوكی ئەتۆمی ئێران دەناسرا، لە شارۆچكەی ئابسەرد-ی سەر بە تارانی پایتەخت لە هێرشێكدا كرایە ئامانج و كوژرا.
