سعودیە ئاسمانی خۆی بۆ فڕۆكە ئیسرائیلییەكان دەكاتەوە

بەرپرسێكی باڵای ئیدارەی ئەمریكا رایگەیاند، ریاز رازی بوە فڕۆكە بازرگانییەكانی ئیسرائیل ئاسمانی سعودیە بۆ گەشتكردن بەرەو ئیمارات بەكاربهێنن.
بەگوێرەی هەواڵێكی ئاژانسی رۆیتەرز، دوای گفتوگۆكانی نێوان بەرپرسانی سعودیە و جارێد كوشنەر راوێژكار و زاوای دۆناڵد ترامپ سەرۆكی ئەمریكا و تیمی هاوڕێی، پرسی كردنەوەی ئاسمانی سعودیە بە رووی فڕۆكە بازرگانییەكانی ئیسرائیدا چارەسەركراوە.
ئەو بەرپرسە بە رۆیتەرزی وتوە “ئەو هەنگاوە دەبێتەهۆی چارەسەركردنی هەموو كێشەكانی كۆمپانیاكانی فڕۆكەوانی بۆ گواستنەوەی سەرنشینان لە ئیسرائیلەوە بۆ ئیمارات و بەحرەین و بەپێچەوانەشەوە”.