بڕیارە ئەمڕۆ ئەنجومەنی وەزیرانی هەرێمی كوردستان كۆببێتەوە، پرسی موچە و پرۆژەیاسای بودجەی ساڵی 2021ی عێراق و چەند بابەتێكی دیكە تاوتوێ دەكات.
فەرمانگەی میدیا و زانیاریی حكومەتی هەرێمی كوردستان بڵاویكردوەتەوە، پێشنیوەڕۆی ئەمڕۆ چوارشەممە ئەنجومەنی وەزیران بە سەرپەرشتیی مەسرور بارزانی سەرۆكی حكومەت و ئامادەبونی قوباد تاڵەبانی جێگری سەرۆكی حكومەت، بۆ تاوتوێكردنی چەند پرسێك كۆدەبێتەوە، كە بریتین لە :
* پرسی مووچە و پرۆژە یاسای بوودجەی ساڵی 2021 فیدراڵی عێراق.
* پرۆژەی دیراسەكردن و رێكخستننەوەی رسومات كە لە بەرانبەر پێشكەشكردنی خزمەتگوزاری وەردەگیرێت.
* دامەزراندن و تۆماركردنی كۆمپانیای نوێ لە بوارەكانی تەندروستی و دەرمان و پێداویستیی پزیشكی.
* پرۆژەی تایبەت بە (دەرماڵە لەبری پەككەوتەیی) لە چوارچێوەی یاسای چاكسازی لە مووچە و دەرماڵە و بەخشین و ئیمتیازەكان و خانەنشینی لە هەرێمی كوردستان – عێراق.
پێشتریش جوتیار عادل وتەبێژی حكومەتی هەرێمی كوردستان لە پرێس كۆنفرانسێكدا رایگەیاندبوو، لە كۆبونەوەی داهاتووی ئەنجومەنی وەزیراندا قسە لەبارەی موچەوە دەكرێت و لەوێ بڕیاری دابەشكردنی موچە دەدرێت
