ئەمریكا ژمارەی كارمەند و دیپلۆماتكارانی باڵیۆزخانەكەی لە بەغدا كەمدەكاتەوە

ئیدارەكەی دۆناڵد ترامپ بەنیازە ژمارەی كارمەند و دیپلۆماتكارانی وڵاتەكە لە باڵیۆزخانەی ئەمریكا لە بەغدا كەمبكاتەوە، هەنگاوەكە پەیوەندیی بە پێشبینیی واشنتۆنەوە هەیە بۆ ئەگەری ئەنجامدانی هێرش لەلایەن ئێرانەوە لە ساڵیادی كوشتنی قاسم سولەیمانی-دا.
میدیاكانی ئەمریكا لە زاری چەند سەرچاوەیەكەوە ئاشكرایانكردوە، واشنتۆن بڕیاری داوە پێش ساڵیادی كوشتنی قاسم سولەیمانی فەرماندەی پێشووی فەیلەقی قودسی سوپای پاسدارانی ئێران، ژمارەی دیپلۆماتكار و كارمەندانی باڵیۆزخانەی وڵاتەكەی لە بەغدا كەمبكاتەوە، بەوپێیەی ئیدارەكەی ترامپ ئەگەری وەشاندنی گورز لەلایەن ئێرانەوە لە ساڵیادی كوشتنی سولەیمانیدا بەدور نازانێت.
دیارنییە ئەمریكا ژمارەی كارمەند و دیپلۆماتكارانی بۆ چەند كەمدەكاتەوە، بەڵام سەرچاوەكان دەڵێن، دەیان كارمەند و دیپلۆماتكار لە باڵیۆزخانەكە دەكشێندرێنەوە و هەنگاوەكەش بۆ ماوەیەكی كاتی دەبێت.
ئەو پلانەی ئەمریكا لەكاتێكدایە، لە چەند رۆژی رابردودا موحسین فەخریزادە زانای ئەتۆمیی ئێرانی لە نزیك تارانی پایتەخت كوژرا، وڵاتەكەش ئیسرائیل بە ئەنجامدانی كارەكە تۆمەتباردەكات و هەڕەشەی تۆڵەسەندنەوەش دەكات.
رۆژی 3-1-2020، قاسم سولەیمانی فەرماندەی پێشووی فەیلەقی قودسی سوپای پاسدارانی ئێران و ئەبومەهدی موهەندیس جێگری سەرۆكی دەستەی گشتی حەشدی شەعبیی عیراق لە بۆردومانێكی ئاسمانیی سوپای ئەمریكادا لە نزیك فڕۆكەخانەی بەغدا كوژران.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .