زانا عەبدولڕەحمان
ئێستا پارتی لە هەمووكات بێ منەترە نەك هەر دەستی گرتووە بەسەر مووچە و قوتی خەلك بە ئارەزووی خۆی مووچە ئەدات بەڵكو دەسكاری رۆژ ژمێرش ئەكات جارێك مانگ ئەكات بە ٤٠ رۆژ و ئارەزووی لێبێت ئەیكات بە ٧٠ رۆژ
بێ ئەوەی كەس هەبێت بڵێت بۆ ؟ ئەوە ئێستا پارتی بۆ چۆتە سەر بەدرێژایی حكومرانی نەیتوانیوە بكات چی وایلێكردوە ؟پارتی تێمی یەكێتی و گۆران لەناو حكومەت كوشتوە سەرەتا دەرفەتی قسەكردنی درابوو بە تیمی یەكێتی و گۆران بەڵام لە دوومانگی پێشوو بە فەرمانی پارتی دەرفەتی قسەكردنیش لە تیمی یەكێتی و گۆران سەندراوەتەوە یانی هەر قات لەبەربكەن و بچنە دەوام بەسەدان بەڵگەی گەندەڵی بەشێك لە وەزیرەكانی یەكێتی و گۆران لەم كابینە لەبەردەستن كە ئەمەش وایكردوە زیاتر دەستەمۆبن پارتی لەكاتی خۆی بەكاربهێنت ئەو وەزیرانەی كە ملیان بۆ پارتی نەداوە و پەرێزیان پاكە پەراوێزخراون نەسریەی وەزارەتەكانیان بە هەزار حاڵ ئەدەنێ هەر كاتێك یەكێتی و گۆران بریاری هاتنە دەرەوە لە حكومەت تاوتوێ ئەكەن تیمی حكومەتیان رێگری ئەكەن بەخستنەرووی مەترسی لەسەر ئایندەی هەرێم و هێنانەوەی بیانوی بێمانا دە ساڵە یەكێتی و گۆران ئەڵێن ئاگامان لە مەلەفی نەوت و گاز نیە كەچی ئەندامیان هەیە لە ئەنجومەنی نەوت و گازماوەیە دەساڵە یەكێتی وگۆران لەبەرامبەر قۆرغكاری دەسەڵات هەرەشەی كشانەوە ئەكەن بەڵام هەر پۆستی تازە وەرئەگرن پارتی تێگەشتووە ئەو فشار و هەرەشانە جدی نین تەنها قسەن بۆیە حسابیان لەسەر ناكات ئەگەر تا سەری ساڵ یەكێتی و گۆران بریاری خۆیان لەسەر مانەوە لەو حكومەتە نەدەن باجی یەكەمی توورەی خەڵك ئەوان ئەیدەن بۆیە تەنها یەك جار هەرەشەكانتان بكەن بەراست تائێستا پارتی پێوایە كە هەرەشەی كشانەوە لە حكومەت جدی نیە و تەنها لە پێناوی پۆستی زیاترە خەڵكیش ماندووبووە لەو بەڵێنانەی دەساڵە ئەڵین ئەگەر ژیانی خەڵك باش نەبێت مووچە نەدرێت لە حكومەت نابین یەكجار تەنها یەكجار بەڵێنەكەتان ببنەسەر و پارتی بۆ هەتا هەتایە رائەگرن بەڵام ئەمجارە بێ بەڵێن بن هەتا هەتایە هەموومان ئەكەوینە ژێردەستی پارتی
