عەلی حەمەساڵح: سێ بڕیار گرفتی موچە چارەسەر دەكات

عەلی حەمەساڵح پەرلەمانتاری كوردستان پێیوایە بە جێبەجێكردنی  سێ بڕیار، نەك گرفتی موچە چارەسەر  دەبێت، بەڵكو بوژانەوەی ئابوریش رودەدات.
لەوبارەیەوە پەرلەمانتارەكەی گۆڕان لە پەیجی خۆی لە فەیسبوك جەختیكردوەتەوە، كە سەرۆكی حكومەت و كۆی ئەنجومەنی وەزیران لەبەردەم بەرپرسیارێتییەكی مێژوییدان و بۆ چارەسەركردنی گرفتی موچە و هاتنەئارای بوژانەوەی ئابوریش، جێبەجێكردنی سێ بڕیاری كردوەتە خاڵی یەكلاكەرەوە.
لەوبارەیەوە دەڵێت “یەكەم پێویستە حكومەتی هەرێم رێككەوتن لەگەڵ عیراق بكات و ئامادەیی دەرببڕێت بۆ رادەستكردنی 250 هەزار بەرمیل و 50٪‏ی داهاتە فیدڕاڵییەكان”.
لە خاڵی دووەمدا داوادەكات، كۆتایی بە قاچاخی و كۆمپانیاكاری خاڵە سنورییەكان بهێنرێت، كە حكومەت لە 22-3-2020ەوە بڕیاری لێداوە و تائێستا جێبەجێی نەكردوە.
لە خاڵی سێیەمیشدا عەلی حەمەساڵح داوادەكات پێداچونەوە بەخەرجی و گەندەڵی و گرێبەستەكانی دۆسیەی نەوت بكرێت، چونكە پێیوایە ئەو پێداچونەوەیە نەكرێت، ئەوا بەدڵنیایی گرفت بۆ خاڵی یەكەم دروستدەبێت، كە رێككەوتنە لەگەڵ عیراقدا.
لە كۆتاییشدا هۆشداری دەدات، لەوەی ئەو سێ رێگایە، كە خواستی خەڵكی كوردستانە، ئەگەر نەگیرێنەبەر، ئەوا قەیرانێكی قوڵ روو لە هەرێم دەكات و هۆكارەكەشی حكومەتی هەرێمە.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .