ئه‌ندامێكی لیژنه‌ی باڵای به‌ره‌نگاربوونه‌وه‌ی كۆرۆنا له ئێران ئاشكرای كرد، به‌م نزیكانه تاقیكردنه‌وه‌ی مرۆیی له‌سه‌ر ڤاكسینی كۆرۆنای به‌رهه‌می وڵاته‌كه‌یان ده‌ستپێده‌كات.
مینو موحرێز راشیگه‌یاند، ئه‌گه‌ر هاوشێوه‌ی قۆناغی تاقیكردنه‌وه‌ی ڤاكسینه‌كه له‌سه‌ر ئاژه‌ڵان ئه‌نجامه‌كان دڵخواز بن، ده‌توانن تامانگی حوزه‌یرانی ئه‌مساڵ ڤاكسینه‌كه بخه‌نه بازاڕه‌وه.
به‌وته‌ی ئه‌و ئه‌ندامه‌ی لیژنه‌ی باڵای به‌ره‌نگاربوونه‌وه‌ی كۆرۆنا له ئێران ڤاكسینه‌كه له تاقیكردنه‌وه‌ی مرۆییدا به سێ قۆناغێك ده‌بێت و به‌شداربووانیش ده‌بێت ته‌مه‌نیان له نێوان 18 بۆ 50 ساڵدا بێت و له هه‌ر قۆناغێكدا دوو ژه‌می ڤاكسین به به‌شداربووان ده‌درێت.
ئاشكراشی كرد له قۆناغی پێشوودا ڤاكسینه‌كه له‌سه‌ر مشك، مه‌یمون و كه‌روێشك تاقیكراوه‌ته‌وه و به‌رێژه‌ی 70% سه‌ركه‌وتوو بووه.
