یانەی ئەتلەتیكۆ مەدرید بە كۆكردنەوە 26 خاڵ سەرەوەی ریزبەندی خولی ئیسپانی گرتوە و یاریەكیش كەمتری كردوە، تائێستاش میكێل ئۆیارزابال هێرشبەری یانەی ریاڵ سۆسیدات بە 7 گۆڵ پێشەنگی گۆڵكارانی گرتوە.
بەپێی ریزبەندی یانەكانی خولی ئیسپانی دوای تێپەڕبونی 11 هەفتە، یانەی ئەتلەتیكۆ مەدرید بە كۆكردنەوەی 26 خاڵ سەروەی ریزبەندی خولەكەی گرتوە و ئەوەش لەكاتێكدایە تەنها 10 یاری ئەنجامداوە و یاریەكی دواخراوی هەیە.
بەدوای ئەویشدا یانەی ریاڵ سۆسیدات دێت بە كردنەوەی 24 خاڵ و یانەی ریاڵ مەدریدش سێیەمی ریزبەندییەكەیە بە 20 خاڵ گرتوە، ئەوەش لەكاتێكدایە یانەی ڤیاڕیاڵ بەهەمان شێوە خاوەنی 20 خاڵە.
بەدوای ئەوانیشدا، یانەی قادیش بە 18 خاڵ (بەڵام یاریەك زیاتری كردوە) و دواتر یانەی ئیشبیلیە بە 16 ساڵ دێن كە ئەویش تەنها 10 یاری ئەنجامداوە و یاریەكی دواخراوی هەیە، هەرچی یانەی بەرشەلۆنەش بە كۆكردنەوەی 14 خاڵ (كە یاریەكی دواخراوی هەیە) لە ریزبەندی حەوتەمدا دەبینرێت.
یانەی ریاڵ سۆسیدات بە تۆماركردنی 22 گۆڵ بەهێزترین هێڵی هێرشبردنی هەیە و یانەی ئەتلەتیكۆ مەدریدیش تەنها 2 گۆڵی لێ تۆماركراوە و خاوەنی بەهێزترین هێڵی بەرگرییە.
هەروەها میكێڵ ئۆیارزابال هێرشبەری یانەی ریاڵ سۆسیدات بە تۆماركردنی 7 گۆڵ پێشەنگی گۆڵكارانی گرتوە كە 5 گۆڵیان بە لێدانی سزا تۆماری كردون و دوای ئەویش ئیاگۆ ئاسپاس هێرشبەری سێڵتاڤیگۆ بە 6 گۆڵ و جیرارد مۆرینۆ لە ڤیاڕیاڵ بە 6 گۆڵ و هەریەكە لە جواو فیلیكس و لویس سوارێس لە ئەتلەتیكۆ مەدرید و باكۆ ئەلكاسێر لە ڤیاڕیاڵ بە 5 گۆڵ لە ریزبەندییەكەدا دەبینرێن.
باشترین گۆڵكاری یانەی ریاڵ مەدرید كەریم بنزیمەیە كە تەنها 4 گۆڵی تۆماركردوە و هەرچی لیۆنێل مێسیشە خاوەنی 4 گۆڵە.
