نوێترین هەواڵ

پارتی چاوەڕوانی چی لە یەكێتی و گۆڕان دەكات؟

شاندی پارتی دیموكراتی كوردستان گەیشتە سلێمانی و لەگەڵ یەكێتیی نیشتمانیی كوردستان و دواتر بزوتنەوەی گۆڕاندا كۆدەبێتەوە.
پێشنیوەڕۆی ئەمڕۆ شاندەكەی پارتی بە سەرۆكایەتی هۆشیار زێباری ئەندامی مەكتەبی سیاسی گەیشتە شاری سلێمانی و لە كاتی سەردانی بۆ لای یەكێتی لەلایەن بافڵ تاڵەبانی هاوسەرۆكی ئەو حزبەوە لە دەباشان پێشوازی لێكرا.
بەگوێرەی زانیارییەكان، دوای كۆبونەوەی لەگەڵ یەكێتی، شاندەكەی پارتی دەچێتە لای بزوتنەوەی گۆڕان و لەگەڵ ئەو حزبەشدا كۆدەبنەوە، ئەو سەردانانەش ئامادەكارییە بۆ كۆبونەوەی سێقۆڵی نێوانیان.
لای خۆیەوە كاكەمین نەجار ئەندامی مەكتەبی سیاسیی پارتی لەلێدوانێكی رۆژنامەوانیدا وتی “سەردانەكە بەمەبەستی چارەسەركردنی ئەو كێشانەیە تا ئێستا لەنێوانیاندا ماوە و داواشمان لە گۆڕان و یەكێتی ئەوەیە وەك پارتی شانبدەنەبەر چارەسەركردنی كێشەكانی حكومەت و هەر ئەوەشیان لێ چاوەڕوان دەكەین”.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .