حسێن ئەمیر عەبدوللـەهیان یاریدەدەری سەرۆكی پەرلەمانی ئێران دەستگیركردنی چەند تێوەگلاوێكی لە كوشتنی زانا ئەتۆمییەكەی وڵاتەكەیان راگەیاند.
عەبدوللـەهیان بە دەزگاكانی راگەیاندنی وڵاتەكەی وتوە “هێزە ئەمنیەكان توانیویانە چەند كەسێك دەستنیشانبكەن، كە لە كوشتنی موحسین فەخریزادە گەورە زانای ئەتۆمی ئێرانەوە تێوەگلاون”.
باسی لەوەشكردوە، ئەو كەسانەی دەستگیركراون، روبەڕوی دادگا دەكرێنەوە و ناتوانن هەڵبێن، هەروەك بە توندی وەڵامی ئەنجامدەران دەدەنەوە بەشێوەیەك، كە پەشیمانبن لەو كارەی كردیان.
یاریدەدەرەكەی سەرۆكی پەرلەمانی ئێران، بنیامین ناتانیاهۆ سەرۆك وەزیرانی ئیسرائیلیش بە كەسێكی ترسنۆك وەسفدەكات و پێیوایە ناتوانێت بەرگەی كاردانەوەكانی ئەو كارانەی بگرێت، كە دەیانكات.
