پاولۆ رۆسی ئەفسانەی تۆپی پێی ئیتاڵی دوای تێكچونی بارودۆخی تەندروستی لە چەند رۆژی رابردودا، لە تەمەنی 64 ساڵیدا كۆچی دوایی كرد.
سەرچاوەكانی هەواڵی ئیتاڵیا بڵاویانكردوەتەوە، پاولۆ رۆسی كە لەگەڵ هەڵبژاردەكەی براوە جامی جیهانی 1982 و خەڵاتی تۆپی ئاڵتونی هەمان ساڵە لە تەمەنی 64 ساڵیدا كۆچی دوایی كردوە.
رونیشكراوەتەوە، پاولۆ چەند رۆژی رابردوو بارودۆخی تەندروستی تێكچوە بەڵام بەرەبەیانی رۆژی 5 شەممە كۆچی دوایی كردوە، لای خۆشیەوە “فیدیریكا كابیلیتی” هاوسەری ئەو ئەفسانە ئیتاڵیە لە تۆڕە كۆمەڵایەتیەكان هەواڵەكەی پشتڕاست كردوەتەوە.
پاولۆ رۆسی 48 یاری بۆ هەڵژاردەی ئیتاڵیا كردوە و 20 گۆڵی تۆماركردوە، هەروەها لە ریزەكانی چەندین یانە یاری كردوە لەوانەش یانەی یۆڤانتۆس، لەساڵی 1984دا جامی جامەكان و لە ساڵی 1985دا جامی یەكێتی ئەوروپا و لەساڵانی 1982 و 1984 دوو جار خولی ئیتاڵی بەدەستهێناوە.
