ئێران ئەو رۆژنامەنوسەی لە عێراق رفاندبوی لەسێدارەیدا

روحوڵڵا زەم ئەو رۆژنامەنوسە ئێرانیەی دانیشتوی فەرەنسا كە لە عێراق رفێنرا، لەلایەن دەسەڵاتدارانی كۆماری ئیسلامی ئێرانەوە لەسێدارە درا.
ئاژانسی “نور”ی ئێرانی ئاشكرایكردوە: بەرەبەیانی رۆژی شەممە روحوڵڵا زەم رۆژنامەنوسی بەرهەڵستكاری رژێمی ئێران كە تۆمەتباركرابوو بە هاندانی توندوتیژی لە خۆپیشاندانەكانی ساڵی 2019 لە سێدارە دراوە.
روحوڵا زەم كە چەندین ساڵه لە فەرەنسا دەژیا لە مانگی 10ی ساڵی رابردوو فریودرا و دوای ئەوەی هێنرایە بەغدای پایتەختی عێراق، لەلایەن گروپە چەكداریەكانی سەربە ئێرانەوە رفێنرا و رادەستی ئەو وڵاتە كرایەوە.
دوای دادگایی كردنی، مانگی 11ی ئەمساڵ بەتۆمەتی بڵاوكردنەوەی خراپەكاری لەسەر زەوی سزای لەسێدارەدانی بەسەردا سەپێنرا و چەندین تۆمەتی تری وەك هاندانی توندوتیژی و دامەزراندنی ماڵپەڕی “ئامادە نیوز” و هەڕەشە بۆ سەر ئاسایشی نیشتمانی ئێران و سیخوڕیكردن بۆ فەرەنسا و ئیسرائیلی روبەڕوكرابوەوە.

هەواڵی دواتر

نرخی بەرمیلێک نەوت گەیشتە 111 دۆلار و 43 سەنت

دوێنێ نرخی بەرمیلێک نەوت بۆ 112 دۆلار و 31 سەنت بەرزبووەوە و رۆژەکەی بە 111 دۆلار و 43 سەنت، تەواو …

وەڵامێک بنووسە

پۆستی ئەلکترۆنیکەت بڵاو ناکرێتەوە .