سە‌میر هە‌ورامی وتە‌بێژی قوباد تاڵە‌بانی جێگری سەرۆك وەزیرانی حكومەتی هەرێم ئاشكرایكرد: بڕیارە پاش نیوە‌ڕۆی ئەمڕۆ كۆبونەوەی لوتكە بۆ گفتوگۆكردن لەبارەی چۆنیە‌تی رێككەوتن لە‌نێوان هەرێم و بەغدا ئە‌نجام بدرێت.
سە‌میر هە‌ورامی لە لێدوانێكی رۆژنامەوانیدا باسی لەوەكردوە: بڕیارە پاش نیوە‌ڕۆی ئەمڕۆ كۆبونەوەی لوتكە لەگەڵ سەرۆك وەزیرانی عێراق و سەرۆكی پەرلەمان و سەرۆكی لیژنەی دارایی لە بەغدا ئە‌نجام بدرێت.
هێمای بۆ ئەوەشكردوە: كۆبونەوەكە بۆ گفتوگۆكردنە لەبارەی چۆنیە‌تی رێككەوتن لە‌نێوان حكومەتی هەرێم و حكومەتی عێراق.
وتە‌بێژەكەی قوباد تاڵە‌بانی جەختیلەوەشكردوەتەوە: شاندی هەرێم هەوڵی زامنكردنی 320 ملیار دینارەكەی موچەی فەرمانبەرانی و شایستە داراییەكانی هەرێم لە یاسای كورتهێنانی قەرزدا دەدات.
