ئەحمەد كنانی ئەندامی پەرلەمانی عێراق دەڵێت: ئەوەی لە دژی بەرژەوەندیەكانی خەڵكی هەرێمی كوردستانە حكومەتی هەولێرەو پابەند نابێت بە رێكەوتنەكەیەوە لەگەڵ بەغدا.
ئەحمەد كنانی پەرلەمانتار لەسەر كوتلەی سادقون كە باڵی سیاسی عەسائیبی ئەهلی حەقە لە لێدوانێكی رۆژنامەوانیدا وتی: بەپێی یاسای بودجە پێویستە حكومەتی هەرێمی كوردستان پابەند بێت بە رادەستكردنی داهاتی نەوت، بۆ ئەوەی پشكی خۆی لەو قەرزە وەرگرێت كە كراوە.
رونیشیكردوەتەوە: هەرێم پابەند نییە بە رادەستكردنی داهات و بە درێژایی ماوەی رابردوو هیچ داهاتێكی رادەست نەكردوە، بۆیە ئەوەی لە دژی بەرژەوەندییەكانی خەڵكی هەرێم حكومەتی هەولێرە.
كنانی جەختیلەوەشكردوەتەوە: یاسای قەرز كە پەرلەمان دەنگی لەسەردا سەرەڕای بایكۆتكردنی لەلایەن پەرلەمانتارانی كوردەوە، بۆ چارەسەركردنی قەیرانی دارایی بوو كە وڵاتی تێكەوتوە و ببوە هۆی دواكەوتنی موچەی فەرمانبەران.
