تائێستا گفتوگۆكانی نێوان شاندی حكومەتی هەرێمی كوردستان و حكومەتی عیراق لەبارەی كێشەكانی پەیوەندیدار بە نەوت و موچە و بودجە بەردەوامن و بەرپرسێكی پێشوی حكومەتیش لە بەغدا هۆشداری دەدات.
بەها ئەعرەجی جێگری سەرۆك وەزیرانی پێشوتری عیراق لە تویتەرەوە نوسیویەتی “ئەگەر گفتوگۆكانی نێوان حكومەتی ناوەند و هەرێمی كوردستان شكستبهێنن، ئەوا قەیرانەكە لە داراییەوە دەگۆڕێت بۆ سیاسی”.
بەها ئەعرەجی هەر سەبارەت بە گفتوگۆكانی نێوان هەرێم و بەغدا دەڵێت “هیوادارین دەستور سەرچاوەی چارەسەری ئەو جۆرە قەیرانانە بێت”.
ماوەی نزیكەی هەفتەیەكە شاندی دانوستانكاری هەرێمی كوردستان چۆتەوە بەغدا و لەگەڵ حكومەتی عیراق لە گفتوگۆدان و چەندین دانیشتن كراوە لەسەر نەوت و بودجە، بەڵام تائێستا هیچ رێككەوتنێك نەكراوە.
