جەمال كۆچەر ئەندامی لیژنەی دارایی پەرلەمانی عیراق ئاشكرایكرد، موچەی ساڵی 2021ی فەرمانبەران گرەنتی كراوە و رێككەوتنی نێوان هەرێم و بەغداش یەكێكە لە هۆكارەكانی دواكەوتنی پرۆژەیاسای بودجە.
جەمال كۆچەر بە ئاژانسی فەرمی عیراقییەی وتوە “لە پرۆژەیاسای بودجەی ساڵی 2021دا، موچەی سەرجەم مانگەكان بۆ فەرمانبەران گرەنتی كراوە”.
باسی لەوەشكردوە، سێ بابەت بوەتەهۆی دواكەوتنی ناردنی پرۆژەیاسای بودجە بۆ پەرلەمان، یەكێك لەوانەش هەوڵەكانە بۆ كەمكردنەوەی بڕی كورتهێنان.
ئەو ئەندامەی لیژنەی دارایی هێمای بۆ ئەوەشكردوە، یەكێك لە هۆكارەكانی دیكە بابەتی رێككەوتنی نێوان بەغدا و هەرێمە، بابەتی سێیەمیش رێككەوتنی سیاسییە لەسەر پرۆژەیاساكە بۆ گرەنتیكردنی تێپەڕاندنی لە پەرلەماندا.
