مهزههر محهمهد ساڵح راوێژكارى ئابوریى سهرۆك وهزیرانى عیراق ئاشكرایكرد، حكومهتی فیدراڵی لهگهڵ كۆمپانیاكانى چیندا رێككهوتوه پارهى 48 ملیۆن بهرمیل نهوت وهربگرێت و لهماوهى 12 مانگدا ئهو نهوته رادهستبكات.
ئهو راوێژكاره به رۆژنامهى “سهباح”ى نیمچهفهرمى وتوه “عیراق لهگهڵ كۆمپانیا حكومییهكانی چین رێككهوتنێكى واژۆكردوه و بهپێى رێككهوتنهكه ئهوان پێشهكى و بهشێوهیهكى خێرا پارهى 48 ملیۆن بهرمیل نهوت رادهستى عیراق دهكهن”.
وتیشى “نهوتهكه دواى 6 مانگ له رادهستكردنى پارهكه، رهوانهی چین دهكرێت، كه مانگانه 4 ملیۆن بهرمیل دهبێت به درێژایى 12 مانگ، ههروهها نرخى یهك بهرمیل نهوت مانگێك دواى واژۆكردنى گرێبهستهكه دیاریدهكرێت و رێژهى مامناوهندى نرخى نهوت لهو مانگهدا دهكرێته پێوانه بۆ سهرجهم بڕه نهوتهكه”.
راوێژكارهكهى مستهفا كازمى جهختیلهوهشكردوهتهوه، ئهو ههنگاوه وهك قهرزكردن وایه بهرانبهر نهوت و لهچوارچێوهى ئهو یاساى قهرزهدایه، كه له پهرلهمان دهنگى لهسهردرا.
