ەندامێكی كوردی پەرلەمانی عێراق رایدەگەیەنێت، بەشێك لە لەسەركردە سیاسییەكانی عێراق لەئێستادا كاربە بیردۆزی دروستكردنی قەیران و پەردەپۆشكردنی قەیرانی ئێستا دەكەن و ئەوەش وایكردوە چارەنوسێكی نادیار روبەڕوی وڵات ببێتەوە.
بڵێسە جەبار فەرمان ئەندامی فراكسیۆنی یەكێتی لەپەرلەمانی عێراق لەنوسینێكدا لە پەڕەی فەرمی خۆی لەفەیسبوك نوسیویەتی، بەشێك لەسەركردە سیاسییەكان بە روانگە و بیردۆزی دروستكردنی قەیران كاردەكەن، واتە قەیرانێك دروست دەكەن بۆ پەردەپۆشكردنی قەیرانەكانی ئێستا.
باسی لەوەشكردووە، كێشەكە ئەوەیە ئەو روانگە و بیردۆزە وڵات بەرەو چارەنوسێكی نادیار دەبات، ئەو نادیاربونەش وادەكات و كۆنتڕۆڵكردنی بوار و كەرتەكانی دیكەی وڵات نەكرێت.
بەهۆی قەیرانی دارایی و كورتهێنانی بودجەوە باس لەوەدەكرێت حكومەتی عیراق بەنیازە پەنا بۆ كەمكردنەوەی بەهای دینار و زیادكردنی باج ببات.
