ئەنجومەنی وەزیرانی عیراق پەسەندكردنی پرۆژەیاسای بودجەی ساڵی 2021ی دواخست بۆ سبەینێ.
ئەمڕۆ ئەنجومەنی وەزیرانی عیراق بە سەرۆكایەتیی مستەفا كازمی سەرۆك وەزیران كۆبووەوە، گفتوگۆی لەبارەی پرۆژەیاسای بودجەی ساڵی 2021 كرد، پێشبینی دەكرا پرۆژەیاساكە پەسەند بكات و بینێرێت بۆ پەرلەمانی عیراق.
بەڵام كەناڵی فەرمیی عیراقییە لە هەواڵێكدا ئاشكرایكرد، ئەنجومەنی وەزیران بڕیاریداوە پەسەندكردنی پرۆژەیاسای بودجەی ساڵی 2021 و ناردنی بۆ پەرلەمانی عیراق، بۆ كۆبونەوەی سبەینێ دوابخات.
ئەگەری پەسەندكردنی پرۆژەیاسای بودجەی 2021 و ناردنی بۆ پەرلەمانی عیراق لەكاتێكدایە، تا ئێستا هەرێمی كوردستان و بەغدا لەسەر پشكی هەرێم لە بودجەكەدا و پرسی نەوت و داهاتە سنورییەكانی هەرێم رێكنەكەوتوون.
