هەیسەم جبوری سەرۆكی لیژنەی دارایی پەرلەمانی عیراق دەڵێت “دەتوانرێت پشت بە بەرزكردنەوەی نرخی دۆلار بەرانبەر دیناری عیراقی ببەسترێت بۆ رزگاربون لە بەشێكی قەیرانی دارایی، بەڵام پێویستە كۆتا بژاردەبێت”.
هەیسەم جبوری لەوتەیەكدا لە یەكەم دیداری راگەیاندنی عیراقی وتویەتی “گۆڕانی نرخی دراو لایەنی پۆزەتیڤ و نێگەتیڤی خۆی هەیە، هەربۆیە داوامان لە حكومەت كردوە لە پاڵ بەرزكردنەوەی بەهای دراو، رێوشوێنی دیكەش بگرێتەبەر، 32 پێشنیاری كردارییمان كردوە لەوبارەیەوە، گۆڕینی نرخی دراویش پێویستە كۆتا بژاردەی حكومەت بێت”.
جبوری رونیشیكردوەتەوە، دەتوانرێت داهات لەرێگەی دەروازە سنورییەكان و باج و چەندین رێوشوێنی ترەوە زیادبكرێت، داواش دەكات گفتوگۆ لەسەر رێوشوێنە كرداریەكان بكرێت بۆ كەمكردنەوەی كاریگەری نێگەتیڤی گۆڕینی نرخی دراو.
