نرخی نه‌وت له بازاڕه‌كانی جیهاندا به‌ره‌و گه‌شانه‌وه‌ی زیاتر ده‌ڕوات و به‌رمیلێكی له سه‌روو 52 دۆلاره‌وه‌یه.
به‌هۆی دابه‌شكردن و به‌كارهێنانی ڤاكسینی دژه كۆرۆنا له ژماره‌یه‌ك وڵات و گه‌شبینی به دانانی سنورێك بۆ بڵاوبونه‌وه‌ی په‌تاكه له جیهاندا، نرخی نه‌وت زیاتر به‌رزده‌بێته‌وه و دوێنێ له‌گه‌ڵ داخستنی بازاڕی وزه‌دا، نرخی به‌رمیلێكی برێنت گه‌یشته 52 دۆلار و 26 سه‌نت.
هه‌روه‌ها به‌رمێلێك نه‌وتی خاوی ته‌كساسی ئه‌مریكاش له 49 دۆلار و 10 سه‌نتدا وه‌ستایه‌وه و چاوه‌ڕوانده‌كرێت رۆژی دووشه‌ممه له‌گه‌ڵ كرانه‌وه‌ی بازاڕ و كۆتاییهاتنی پشوی هه‌فته‌دا، نرخه‌كان زیاتر به‌رزببنه‌وه.
