پەرلەمانی لوبنان سزای گێچەڵی سێكسی پەسندكرد و بۆ یەكەمجار لە مێژووی وڵاتەكەدا، ئەو كارەی وەك “تاوان” ناساند.
لەچوارچێوەی هەمواركردنەوەی سەرەكی یاسای توندوتیژیی خێزانی، ئەنجومەنی نوێنەرانی لوبنان لە پاش نزیكەی سێ كاتژمێر گفتوگۆ، پێشنیاری یاسای سزادانی گێچەڵكارانی پەسند كرد و بە تاوان لە قەڵەمی دا، بەتایبەت لە شوێنی كاركردندا.
بەگوێرەی یاسا لوبنانییەكە، سزای گێچەڵكار زیندانیكردن دەبێت لەنێوان مانگێك بۆ دوو ساڵ، یاخود دانی غەرامە دەبێت بە جۆرێك لەنێوان سێ بۆ 20 هێندەی ئاستی كەمی داهات دەبێت، كە دەكاتە 450 دۆلار.
لەوبارەیەشەوە یان كۆبیش هەماهەنگیكاری تایبەت بە نەتەوە یەكگرتوەكان لە لوبنان پێشوازی لەو یاسا نوێیە كرد و بە هەنگاوێك بۆ پاراستنی زیاتری مافی خانمان و مرۆڤ وەسفی دەكات.
