ئەحمەد حاجی رەشید ئەندامی لیژنەی دارایی پەرلەمانی عیراق دەڵێت “لیژنەكەمان دەسەڵاتەكانی خۆی بەكاردەهێنێت بۆ گۆڕینی هەر شتێك لە پرۆژەیاسای بودجەدا، كە بە گونجاوی نەزانین، چونكە رازی نابین باری سەرشانی فەرمانبەران قورستر بكرێت”.
پرۆژەیاسای بودجەی 2021ی فیدراڵی رەوانەی پەرلەمان كراوە و ئەحمەدی حاجی رەشیدیش بە ئاژانسی هەواڵی عیراقییەی وتوە “پرۆژەیاساكە بۆچونی حكومەتە لەسەر سیاسەتی دارایی، بۆیە ئەگەر سوربێت لەسەر چاكسازی ئەوا پیرۆزبایی لێدەكەین، بەڵام ئەگەر تەنها روكەش بێت ئەوا دەگەڕێینەوە چوارچێوەی یەكەم”.
وتیشی “لیژنەی دارایی دەسەڵاتەكانی خۆی بەكاردەهێنێت بۆ گۆڕانكاری لە پرۆژەیاساكەدا بەو شێوەیەی بە گونجاوی دەزانێت، هەروەها دەیەوێت لە مانگی كانونی دووەمدا بەبێ دواكەوتن تێیپەڕێنێت”.
ئەو ئەندامەی لیژنە دارایی رونیشیكردوەتەوە، لیژنەكەیان رازی نابێت باری سەرشانی فەرمانبەران قورستر بكرێت، ئەندامانی لیژنەكەش لەوبارەیەوە بۆچونی خۆیان دەبێت.
