Whatsapp لەسەر ملیۆنان مۆبایل دەوەستێت

بڕیارە لەسەرەتای ساڵی 2021ەوە ئەپلیكەیشنی (Whatsapp) لەسەر ملیۆنان مۆبایل لەكار بوەستێت و ئەگەر خاوەنەكانیان پێویستییان بە بەكارهێنانی ئەو ئەپلیكەیشنە هەبو، ئەوا پێویستە مۆبایلی نوێ بەكاربهێنن.
رۆژنامەی “زە سەن”ی بەریتانی بڵاویكردوەتەوە، لە سەرەتای ساڵی 2021ەوە ئەپلیكەیشنی Whatsapp لەسەر ئەو مۆبایلی ئایفۆنانە دەوەستێت، كە سیستمی كارپێكردنی كەمتر لە ios9 یان لەسەرە.
رونیشكراوەتەوە، ئەو مۆبایلانەشی بە كەمتر بە سیستمی ئەندرۆیدی 4.0.3 كاردەكەن، بەهەمانشێوە دەوەستێت.
بەكارهێنەرانی ئەو جۆرە مۆبایلانە پێویستە بۆ بەكارهێنانی ئەپلیكەیشنەكە، مۆبایلەكانیان بگۆڕن ئەگەر لە نەوە كۆنەكان بن و ناتوانن سیستمی كارپێكردنەكەیان نوێ بكەنەوە.