سەرچاوەكانی وەزارەتی دارایی روونكردنەوە لەسەر داواكاری وەزارەتەكە دەدەن بۆ ئامادەكردنی لیستی موچەی مانگەكانی 11، 12 و 1، دەڵێن پەیوەندیی بە كۆتاییهاتنی ساڵەوە هەیە، نەك دابەشكردنی موچە.
دوای ئەوەی وەزارەتی دارایی و ئابوریی هەرێمی كوردستان داوای لە وەزارەت و فەرمانگەكانی دیكە كرد لیستی موچەی مانگەكانی 11 و 12ی ئەمساڵ و 1ی ساڵی داهاتوو ئامادەبكرێت، سەرچاوەكانی وەزارەتی دارایی قسەیان بۆ میدیاكانی هەرێمی كوردستان كردووە، رایانگەیاندووە، داواكارییەكە پەیوەندی بە دابەشكردنی موچەوە نییە، بەڵكو بۆ رێكخستنی حیساباتی وەزارەتەكانە و بەهۆی هاتنی ساڵی نوێوە، پێویستە لە رووی داراییەوە رێكخستنەوە بۆ وەزارەت و فەرمانگەكانی حكومەت بكرێت، ئەمە جگە لەوەی ئامادەكردنی لیستەكە ئامادەكاریشە بۆ ئەوەی، هەركاتێك پارە هەبوو، موچە دابەشبكرێت.
سەرچاوەكانی وەزاەرتی دارایی ئاشكراشیانكردووە، لیستی موچەی هەر سێ مانگەكە، بە رێژەی لێبڕینی 21% ئامادەدەكرێت و بۆ پلە تایبەتەكانیش بە رێژەی 50% دەبێت.
