عه‌بدولهادى موحان ئه‌ندامى لیژنه‌ى دارایى په‌رله‌مانى عێراق ده‌ڵێت: په‌رله‌مان سوره له‌سه‌ر ئه‌وه‌ى گۆڕانكارى له پرۆژه یاساى بودجه‌دا بكات و گۆڕانكاریه‌كانیش ته‌ركیز له‌سه‌ر مه‌له‌فى موچه و لێبڕین و پشكى پارێزگاكان و مه‌له‌فى هه‌رێمى كوردستان ده‌بێت.
عه‌بدولهادى موحان له لێدوانێكى رۆژنامه‌وانیدا باسى له‌وه‌كردوه: په‌رله‌مان دژى خه‌رجكردنى هه‌ر بڕه پاره‌یه‌ك ده‌بێت بۆ هه‌رێمى كوردستان پێش ئه‌وه‌ى ئه‌وه راده‌ست بكات كه لایه‌تى له داهاتى نه‌وت و ده‌روازه سنوریه‌كان.
رونیشیكردوه‌ته‌وه: له پرۆژه یاساى بودجه‌ى ساڵى 2021 په‌رله‌مان گۆڕانكارى له‌سه‌ر چه‌ندین مه‌له‌ف ده‌كات و سوره له‌سه‌رى، له دیارترینیان مه‌له‌فى موچه و لێبڕین، پشكى پارێزگاكان و مه‌له‌فى هه‌رێمى كوردستان.
تائێستا پرۆژه یاساى بودجه‌ى ساڵى داهاتوو نه‌گه‌یشتوه‌ته په‌رله‌مان و چه‌ند مه‌له‌فێك یه‌كلایى نه‌كراونه‌ته‌وه و له‌نێویشیاندا رێكه‌وتنى هه‌رێم و به‌غدا، په‌رله‌مانیش چاوه‌ڕێى گه‌یشتنى پرۆژه‌كه‌یه.
