دوایین قسەی وەزیری پەروەردە لەسەر كردنەوەی دەرگای قوتابخانەكان چییە؟

وەزیری پەروەردەی هەرێم كردنەوەی دەرگای قوتابخانەكان دەبەستێتەوە بە هەڵسەنگاندنەكانی وەزارەتی تەندروستییەوە و دەڵێت “ئەگەر دۆخەكە لەبار نەبێت، دەرگای قوتابخانەكان بە داخراوی دەمێننەوە”.
ئالان حەمەسەعید وەزیری پەروەردەی حكومەتی هەرێمی كوردستان لە كۆنفرانسێكی رۆژنامەوانیدا لە هەڵەبجە رایگەیاند “لە كۆبوونەوەی داهاتووی لیژنەی باڵای روبەڕوبوونەوەی كۆرۆنا، بڕیار لەسەر دەستپێكردنەوەی دەوامی قوتابخانەكان دەدرێت، هەڵسەنگاندنی وەزارەتی تەندروستی دەبێتە بنەمای بڕیاری كۆبوونەوەكە بۆ دەستپێكردنەوەی دەوام، ئەگەر دۆخەكە لەبار نەبێت ئەوا دەرگای قوتابخانەكان بە داخراوی دەمێننەوە”.
وتیشی: “ئێستا وەزارەتی تەندروستی سەرقاڵی ئامادەكردنی راپۆرت و ھەڵسەنگاندنن بۆ دۆخەكە، ھەركاتێك راپۆرتی وەزارەتی تەندروستی ئامادەبوو، كۆبوونەوەی لیژنەی باڵای روبەڕوبوونەوەی كۆرۆنا دەكرێت، ئەگەر پێویست بكات بڕیار لەسەر درێژكردنەوەی داخستنی دەرگای قوتابخانەكان دەدەین”.
ئەمە لەكاتێكدا پێشتر سەیوان فەرەج بریكاری وەزارەتی پەروەردە لە لێدوانێكی رۆژنامەوانیدا رایگەراندبوو، “ئەگەر بەمشێوەیەی ئێستا توشبوون بە كۆرۆنا لە كەمبوونەوەدا بێت، ئەوا لە 10ی كانونی دووەمی 2021 دەرگای قوتابخانەكان بە رووی خوێندكاراندا دەكرێنەوە”.

هەواڵی دواتر

نرخی بەرمیلێک نەوت گەیشتە 111 دۆلار و 43 سەنت

دوێنێ نرخی بەرمیلێک نەوت بۆ 112 دۆلار و 31 سەنت بەرزبووەوە و رۆژەکەی بە 111 دۆلار و 43 سەنت، تەواو …

وەڵامێک بنووسە

پۆستی ئەلکترۆنیکەت بڵاو ناکرێتەوە .