حكومەتی هەرێم لەسەر پشوەكان رونكردنەوەیەكی بڵاوكردەوە

جوتیار عادل وتەبێژی‌ حكومەتی‌ هەرێمی كوردستان ئاشكرایكرد: ئەو پشوەی‌ حكومەتی‌ عیراق رایگەیاندوە هەرێمی‌ كوردستان ناگرێتەوە.
حكومەتی عیراق رۆژی یەكشەممە 3ی كانونی دوەمی 2021ی وەك درێژكراوەی پشوی سەری ساڵ راگەیاند و لای خۆیەوە جوتیار عادل لەو بارەیەوە بڵاویكردوەتەوە: ئەو پشوە هەرێمی كوردستان ناگرێتەوە.
وتەبێژی حكومەتی هەرێم جەختیلەوەشكردوەتەوە: رۆژی یەكشەممە 3ی كانونی دووەمی 2021 دەوامی فەرمییە لەسەرجەم دامودەزگاكانی حكومەتی هەرێم.
پێشتر حكومەتی هەرێمی كوردستان بەبۆنەی هاتنی سەری ساڵی زایینیەوە هەفتەیەك پشوی فەرمی راگەیاند، كەلە 27ی كانونی یەكەمی 2020 دەستیپێكرد و رۆژی 2ی كانونی دوەمی 2021 كۆتایی دێت.