موزهر محەمەد ساڵح راوێژكاری مستەفا كازمی سەرۆك وەزیرانی عێراق بۆ كاروباری دارایی دەڵێت: پێشبینی ئەوە دەكەن دوای كۆتایی هاتنی مەترسی كۆرۆنا هاوینی داهاتو نرخی یەك بەرمیل نەوت بگاتە 65 دۆلار .
موزهر محەمەد ساڵح لە لێدوانێكی رۆژنامەوانیدا رایگەیاندوە: دەكرێت كورتهێنان بە بڕگەكانی بودجەی ئەمساڵ چارەسەر بكرێت، ئەوەش دوای بەرزبونەوەی نرخی نەوت، بەوەش قەرەبوی قەرزكردن دەكرێتەوە.
باسی لەوەشكردوە: نرخی نەوت بەردەوامە لەبەرزبونەوە و لە هاوینی داهاتودا و لەدوای كەمبونەوەی مەترسی لەكۆرۆنا و ئاسایی بونەوەی هاتوچۆ، نرخی یەك بەرمیل نەوت دەگاتە 65 دۆلار .
راوێژكارەكەی كازمی جەختیلەوەشكردوەتەوە: رێژەی هەژاری لە عێراق گەیشتوەتە 30% و زیاتر لە دوو ملیۆن خێزان بەهۆی كۆرۆناوە زەرەرمەندبون.
