دەستەی نەزاهە ئاشكرایكرد: مستەفا كازمی سەرۆك وەزیرانی عێراق وەكو یەكەم بەرپرسی عێراقی سەروەت و سامانەكانی خۆی بۆ ساڵی 2021 ئاشكرا كردوە.
دەستەكەی نەزاهە لە بەیاننامەیەكدا بڵاویكردەوە: فۆڕمی ئاشكراكردنی سەروەت و سامانی ساڵی نوێی مستەفا كازمی سەرۆك وەزیرانیان بەدەست گەیشتوە.
دەستەكە هێمای بۆ ئەوەشكردوە: كازمی دەبێتە یەكەم بەرپرسی عێراقی لەنێو سەرۆكەكانی هەر سێ دەسەڵاتەكە فۆڕمەكە رادەست بكاتەوە و سامانی خۆی ئاشكرا بكات.
ساڵانە دەستەی نەزاهە فۆڕمی ئاشكراكردنی سەروەت و سامان بەسەر بەرپرسانی عێراقدا دابەش دەكات و دەبێت بەرپرسان فۆڕمەكە پڕ بكەنەو تێیدا سەروەت و سامانی خۆیان ئاشكرا بكەن و دواتر ڕادەستی دەستەكەی بكەنەوە.
