عەلی عەبدوڵڵا بەڕێوەبەری پۆلیسی كۆیە ئاشكرایكرد: لە ساڵی رابردو هەزار و 311 روداو لە سنوری قەزا و ناحیەكان تۆماركراون و 658 كەسیش لەسەر ڕوداوەكان دەستگیركراون، تەنها لە 2 رۆژی رابردوشدا 5 حاڵەتی كوشتن تۆمار كراون.
عەلی عەبدولڵا لە كۆنگرەیەكی رۆژنامەوانیدا رایگەیاند: لە ساڵی 2020 كۆی گشتی ڕوداوەكان هەزار و 311 ڕوداو هەبوون، كۆی گشتی ئەوانەشی لە ئەنجامی ئەو ڕوداوانە گیانیان لەدەستداوە 39 كەس بون و 24 كەسیش برینداربون، هەروەها 658 كەس دەستگیركراون.
رونیشیكردەوە: 3 كوشتن و 6 خۆكوشتن لە هەردوو رەگەزی نێر و مێ و دوو خۆسوتاندن و پێنج ڕوداوی خنكان هەبون.
بەڕێوەبەری پۆلیسی كۆیە جەختیلەوەشكردوەتەوە: هەروەها لەگەڵ دەستپێكی چونە نێو ساڵی نوێ چەند ڕوداوێك لە سنوری قەزاكەیان رویانداوە و تەنیا لە ماوەی 2 رۆژدا 5 حاڵەتی كوشتن تۆماركراوە.
