ئەنجومەنی باڵای دادی عێراقی ئاشكرایكرد: پیاوێكی دانیشتوی پارێزگای زیقار هەڕەشی ناوزڕاندنی لە ژنەكەی خۆی كردوە و لەبەرامبەردا داوای 5 ملیۆن دیناری لێكردوە، بەپێچەوانەوە وێنەكانی بڵاودەكاتەوە.
رۆژنامەی داد بڵاویكردوەتەوە: لە شاری قادسیە پیاوێك هەڕەشەی ناوزاڕندن و بڵاوكردنەوەی وێنەی لە ژنەكەی كردوە، ئەوەش لە تۆڕە كۆمەڵایەتیەكان و لەژێر ناوی خوازراوەوە.
رونیشكراوەتەوە: دواتر ژنەكە كە ناوی “حەنان”ە بۆی دەركەوتوە ئەوەی ئەو كارە دەكات مێردەكەی خۆیەتی، داواشی بڕی 5 ملیۆن دیناریشی لێكردوە.
ئەو ژنە باسی لەوەكردوە: لەدوای دوو مانگ شوكردنم ناكۆكی كەوتە نێوان من و پیاوەكەم و گەڕامەوە بۆ ماڵی باوكم ، كەچی پیاوەكەم هەڕەشەی ئەوەی لێكردم وێنە و ڤیدیۆی من بڵاوبكاتەوە كە بە موبایلەكەی خۆی گرتویەتی و داوای 5 ملیۆنی لێكردم بەرامبەر بە سڕینەوە و بڵاونەكردنەوەیان.
حەنان رونیشیكردوەتەوە: دوای ئەوەی سەیری مۆبایلی پیاوەكەی كردوە بۆی دەركەوتوە مۆبایلەكەی تێكچوە و هیچ وێنە و گرتە ڤیدۆیەكی تێدا نیە، هەر بۆیە سكاڵای یاسایی لەسەر تۆماركردوە و دەستگیركراوە و بڕیاری یەك ساڵ زیندانی بۆ دەركراوە.
