نەدا شاكر جەودەت ئەندامی لیژنەی ئابوریی و وەبەرهێنان لە پەرلەمانی عێراق دەڵێت: رێكەوتنێكی نهێنی نێوان هێزە سیاسیەكان هەیە بۆ تێپەڕاندنی لێبڕینی موچەی فەرمانبەران لە پرۆژە یاسای بودجەدا.
نەدا شاكر جەودەت لە لێدوانێكی رۆژنامەوانیدا باسی لەوەكردوە: رێكەوتنی نهێنی نێوان هێزە سیاسیەكان هەیە بۆ تێپەڕاندنی بڕگەی لێبڕینی موچەی فەرمانبەران لە پرۆژە یاسای بودجەی 2021دا، ئەوەش سەرەڕای ناڕەزایی پەرلەمانتارە سەربەخۆكان.
باسی لەوەشكردوە: كێشمەكێش و دابەشبون كەوتوەتە نێوان پەرلەمانتارە سەربەخۆكان و هێزە سیاسیەكانەوە لەسەر تێپەڕاندنی بودجە بەو قەبارە گەورەیەی هەیە، بەڵام سەربەخۆكان سورن لەسەر كەمكردنەوەی خەرجییەكان و رێگەگرتن لە ئیستغلالكردنی هاووڵاتیان لەلایەن وەزارەتی داراییەوە.
ئەو پەرلەمانتارە پێشی وایە: كەمكردنەوەی موچە و لێبڕینی پێچەوانەی یاسایە و داواش لە سەرجەم هێزە نیشتمانیەكان دەكەن لە كاریگەری ئەو هەنگاوە لەسەر كۆمەڵگەی عێراقی تێبگەن.
