فازڵ نەبی بریكاری پێشوی وەزارەتی دارایی عێراق دەڵێت: لەكاتی گفتوگۆكردن لەسەر بودجەی 2021 لە پەرلەمان كێشەی گەورە دروست دەبێت و پێویستە هەرێم فریاكەوێت و وەفدێكی باڵای سیاسی بنێرێتە بەغدا.
فازڵ نەبی بە دەنگی ئەمریكای وتوە: پێیوایە لەكاتی گفتوگۆكردنی پەرلەمانی عێراقدا لەسەر پرۆژە یاسای بودجەی ساڵی 2021 كێشەی گەورە دروست دەبێت لەسەر پشكی هەرێم.
ئاماژەی بەوەشداوە: گەر هەرێم فریا نەكەوێت و پێش پەسەندكردنی بودجە وەفدێكی باڵای سیاسی بۆ رێككەوتن نەڕواتە بەغدا، كێشەی گەورە لەلایەن پەرلەمانتارانەوە بۆ پشكی هەرێم دروست دەكرێت.
بریكاری پێشوی وەزارەتی دارایی هێمای بۆ ئەوەشكردوە: رەنگە گرفت هەبێ لە مەسەلەی هەماهەنگی بۆیە وەفدی سیاسی ناڕواتە بەغدا، هەروەها یەكدەنگ نەبونی لایەنە كوردییەكان، و پەرتەوازەبونی رای سیاسی كورد گرفتێكی گەورەیە.
