نرخی نەوتی خاو بازێكی گەورەی داو یەك بەرمیل خاوی برێنت گەیشتە سەرو 56 دۆلاری ئەمریكی كە نزیكەی ساڵێكە نەگەیشتوەتە ئەو نرخە.
بەپێی راپۆرتە ئابوریەكان لە بازاڕەكانی مامەڵەكردن بە نەوتی خاوەوە، یەك بەرمیل خاوی برێنت یەك دۆلار و 87 سەنت واتە 3.44%ی نرخەكەی زیادی كردوە یەك بەرمیل بە 56 دۆلار و 25 سەنتەوە مامەڵەی پێوە دەكرێت.
بەپێی هەمان ئەو راپۆرتانە، یەك بەرمیل خاوی خۆرئاوای تەكساسیش یەك دۆلار و 89 سەنت واتا 3.72%ی نرخەكەی زیادی كردوە بەرمیلێك گەیشتوەتە 52 دۆلار و 72 سەنت، هەروەها بەرمیلێك خاوی ئۆپێكیش بەرامبەر 53 دۆلار و 84 سەنتە.
شارەزایانی بواری نەوت باس لەوەدەكەن، هۆكاری بەرزبونەوەی نرخی نەوت بەهۆی بەڵێنەكانی سعودیەوەیە كە گەورەترین وڵاتی هەناردەكاری نەوتە بۆ كەمكردنەوەی هەناردەی نەوت، كە ئەوەش پاڵپشتییەكی گەورەی بازاڕی نەوت دەكات.