هێزەكانی سوپای عیراق لە شارەكان كشانەوە

بازگەكانی نێو شارەكانی عێراق  لە لایەن هێزەكانی سوپاوە ڕادەستی هێزەكانی وەزارەتی ناوخۆ كراون.
لیوا تەحسین خەفاجی وتەبێژی فەرماندەیی ئۆپەراسیۆنە هاوبەشەكانی عێراق، لە لێدوانێكی رۆژنامەوانیدا ڕایگەیاند بەهەماهەنگی نێوان وەزارەتەكانی بەرگریی و ناوخۆ، هێزەكانی سوپا لە شارەكاندا كشاونەتەوە .
وتیشی ،لەسەر فەرمانی مستەفا كازمی سەرۆك وەزیران و فەرماندەی گشتیی هێزە چەكدارەكان، دۆسیەی پاراستنی ئاسایشی شارەكان، ڕادەستی هێزەكانی وەزارەتی ناخۆ كراون.
لیوا تەحسین خەفاجی باسی لەوەشكردوە كە لە رۆژانی داهاتوودا، رادەستكردنی دۆسیەی ئەمنی سەرجەم شارەكان لە لایەن سوپاوە بە هێزەكانی پۆلیس كۆتایی دێت، ولەمەودوا ئەركی فەرماندەیی ئۆپەراسیۆنە هاوبەشەكان لە بازگەكانی نێو شارەكان، تەنها پێشكەشكردنی یارمەتی دەبێت بە هێزەكانی وەزارەتی ناوخۆ .