یوسف محەمەد سەرۆكی فراكسیۆنی گۆڕان لە پەرلەمانی عێراق رایگەیاند، دەسەڵاتداران و كۆمسیۆنی هەڵبژاردنەكان پەیوەست نین بەو وادەیەی كە مستەفا كازمی سەرۆك وەزیرانی عێراق بۆ هەڵبژاردنی پێشوەختە دیاری كردوە.
یوسف محەمەد لە بەیاننامەیەكدا رونیكردەوە هەڵبژاردنی پێشوەختە پێویستی بە یاسایەكە بۆ هەڵوەشاندنەوەی ئەنجومەنی نوێنەران، كەدەنگی رەهای پەرلەمانتاران بەدەستبهێنێت و پاشان رێكەوتن بكرێت لەسەر وادەی ئەنجامدانی هەڵبژاردنەكان.
وتیشی، دەسەڵاتداران وكۆمسیۆنی هەڵبژاردنەكان بەهیچ شێوەیەك پەیوەست نین بەو وادەیەی كازمی دایناوە بۆ هەڵبژاردنەكان، و ئەو وادەیەش تەنها وەكو جۆرێك بو لە پڕۆگرامی سیاسی كازمی بۆ هەڵبژاردن كە لەو چوارچێوەیەدا بەڵێنی ئەنجامدانی هەڵبژاردنی پێشوەختەیدا .
