مونا قەهوەچی: پێویستمان بە رێكخستنەوەی نێوماڵی كوردستانی هەیە

مونا قەهوەچی سكرتێری پەرلەمانی كوردستان دەڵێت: پێویستمان بەرێكخستنەوەی نێوماڵی كوردستانی هەیە و گرنگە لایەنە سیاسیەكان هەوڵەكانیان یەكبخەن.
مونا قەهوەچی لە ئەكاونتی خۆی لەتۆڕی كۆمەڵایەتی تویتەر لە نوسینێكدا ئاماژەی بەوەداوە: بارودۆخ و ئەو رەوشە سیاسی و ئابوری و سەربازییەی كە ئێستا عێراق و هەرێمی كوردستان و ناوچەكە بەگشتی تێیدا گوزەر دەكات، پێویستی بە یەكریزی و رێكخستنەوەی نێو ماڵی كوردستانی هەیە.
ئەوەشی رونكردوەتەوە: گرنگە هەموو حزب و لایەنە سیاسییەكان لە چوارچێوەی ماڵێكی كوردستانیدا بەرنامە و كار و هەوڵەكانیان رێكبخەن.
تائێستا كێشەی موچە و بودجە لەنێوان هەرێمی كوردستان و حكومەتی بەغدا چارەسەر نەكراوە و هیچ ئاسۆیەكی رونیش لەو بارەیەوە دیار نییە، چەند لایەنێكی سیاسی هەرێمیش چەند جارێك كۆبونەوەیان ئەنجامداوە و هەوڵ دەدرێت هەرێم خاوەنی یەك وتاری سیاسی بێت لە بەغدا.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .