تەحسین خەفاجی وتەبێژی سەركردایەتی پرۆسە هاوبەشەكان ئاشكرایكرد: ئاماری قوربانیانی دوو تەقینەوە خۆكوژییەكەی شاری بەغدا گەیشتونەتە 28 كوژراو و 73 بریندار.
تەحسین خەفاجی لە لێدوانێكدا بە ئاژانسی هەواڵی فەرمی عێراقی وتوە: ژمارەی قوربانیانی تەقینەوە خۆكوژیەكانی ناوچەی “باب الشرجی” زیادیان كردوە و كۆتا ئامار 28 كوژراو و 73 بریندارن.
بەپێی زانیاریەكان، تەقینەوەكان دوو كەسی خۆكوژ بوون و پشتێنی بۆمبڕێژكراویان لەخۆیان بەستوە و لەناو بازاڕێكی میللی خۆیان تەقاندوەتەوە.
لای خۆشیەوە كازم بوهان بەڕێوەبەری بەرگری شارستانی بەغدا ژمارەی قوربانیەكانی پشتڕاست كردوەتەوە و باسی لەوەكردوە، 28 شەهید و 73 بریندارن.
