وەزارەتی دارایی رایگەیاند، رەزامەندی نیشاندراوە لەسەر خەرجكردنی موچەی سێ مانگی كۆتایی ساڵی رابردووی مامۆستایانی وانەبێژ.
بەگوێرەی نوسراوێكی وەزارەتی دارایی هەرێمی كوردستان كە بۆ وەزارەتی پەروەردەی ناردووە، رەزامەندی دەربڕیوە لەسەر خەرجكردنی موچەی مانگەكانی 10 و 11 و 12ی ساڵی رابردووی وانەبێژان.
هەر بەپێی نوسراوەكەی وەزارەتی دارایی، هەڵگرانی بڕوانامەی بەكالۆریۆس و سەروو بەكالۆریۆس 300 هەزار دینار بۆ هەر مانگێك وەردەگرن.
هاوكات، هەڵگرانی بڕوانامەی دبلۆم 250 هەزار دینار بۆ هەر مانگێك وەردەگرن.
پێشتر، ئالان حەمەسەعید وەزیری پەروەردەی هەرێم رایگەیاند، ئەنجومەنی وەزیران خەرجكردنی بڕەپارەی شایستە داراییەكانی مامۆستایانی وانەبێژی دانەمەزراوی پەسەندكردووە.
