وەزارەتی نەوتی عێراق بڕی هەناردە و داهاتی 2020ی ئاشكرا كرد

وەزارەتی نەوتی عێراق بڵاویكردوەتەوە: لەساڵی 2020دا هەناردەی نەوتی عێراق زیاتر لە یەك ملیار بەرمیل بووە و داهاتیش زیاتر لە 41 ملیار دۆلار بوە.
كۆمپانیای سۆمۆی تایبەت بە بازاڕكردنی نەوتی عێراق بڵاویكردوەتەوە: لەساڵی 2020دا بڕی یەك ملیار و 96 ملیۆن و 234 هەزار بەرمیل نەوتی خاو هەناردە كراوە، كە مانگانە 91 ملیۆن و 362 هەزار بەرەمیل بووە و رۆژانە دوو ملیۆن و 362 هەزار بووە.
رونیشكراوەتەوە: كۆمپانیا نەوتیە هندی و چینییەكان زۆرترین كڕیارەكانی نەوتی عێراق بوون و بەدوایشیاندا كۆمپانیا ئەمریكییەكان، كۆی گشتی داهاتیش 41 ملیار و 755 ملیۆن دۆلار بوە و مانگانە 3 ملیار و 479 ملیۆن دۆلار بوە.
سۆمۆ ئەوەشی رونكردوەتەوە: نرخی یەك بەرمیل نەوتی خاو 38 دۆلار و 86 سەنت بوە و نەوتی هەناردەكراویش ملیارێك و 60 ملیۆن و 454 هەزار بەرمیلی نەوتی ناوەڕاست و باشور بوە و لە بەندەری بەسرەوە هەناردە كراوە و 33 ملیۆن و 8 هەزار بەرمیلیش لە كەركوكەوە لە رێگەی بەندەری جەیهانی توركییەوە، هەروەها 617 ملیۆن و 894 هەزار بەرمیل لە كێڵگەی نەوتی قەیارەوە بوە و 265 هەزار بەرمیلیش نێردراوە بۆ ئەردەن.