سه‌رۆكایه‌تى كۆمار 340 سزاى له‌سێداره‌دانى واژۆ كرد

سه‌رۆكایه‌تى كۆمارى عێراق زیاتر له‌ 340 سزاى له‌سێداره‌دانى واژۆ كرد كه‌ زۆرینه‌یان تایبه‌تن به‌ تاوانه‌كانى تیرۆر و به‌شێكیشیان تاوانكارین.
سه‌رۆكایه‌تى كۆمارى عێراق له‌به‌یاننامه‌یه‌كدا بڵاویكردوه‌ته‌وه‌: سه‌رۆكایه‌تى زیاتر له‌ 340 سزاى له‌سێداره‌دانى په‌سه‌ند كردوه‌ كه‌ له‌ دادگا تایبه‌تمه‌نده‌كانى عێراقه‌وه‌ ده‌ركراون.
رونیشكراوه‌ته‌وه‌: سزاكان جیاوازن وه‌ك تیرۆرستى و تاوانكارى و به‌پێى ده‌ستور و یاسا مه‌رسومى كۆمارییان بۆ ده‌رچوه‌.
به‌پێى به‌یاننامه‌كه‌: په‌سه‌ندكردنه‌كه‌ دواى وردبینى كه‌یسه‌كان له‌سه‌رجه‌م لایه‌نه‌ ده‌ستوریى و یاساییه‌كانه‌وه‌ كراوه‌ و تێیاندا سه‌رجه‌م رێگه‌كانى تانه‌دان كۆتاییان هاتوه‌ و لێبوردنى گشتیش نایانگرێته‌وه‌.