نوێترین هەواڵ

بافڵ تاڵه‌بانی: سیستمی لامەركەزی قەوارەی هەرێم بە‌هێز دەكات

بافڵ تاڵەبانی، هاوسەرۆكی یەكێتی نیشتمانی كوردستان رایدەگەیەنێت، سیستمی لامەركەزی قەوارەی هەرێم بە‌هێز دەكات و فاكتەرێكە بۆ زیاتر خزمەتكردنی كۆمەڵانی خەڵكی كوردستان، دەیانەوێت لە كوردستان و بەتایبەتی ناوچە دابڕێندراوەكان وەك كورد بە یەكدەنگی و یەكھەڵوێستی بەشداری هەڵبژاردنەكانی عێراق بكەن.  
بافڵ تاڵەبانی، لەشاری سلێمانی پێشوازی لە ئاشلی دوریك لێپرسراوی نووسینگەی باڵیۆزخانەی كەنەدا لەھەرێمی كوردستان كرد، بەپێی راگەیەنراوی كۆبونەوەكە، بە بایەخەوە باس لە پەیوەندییە سیاسی و دیبلۆماسییەكانی نێوان ھەردوولا كرا و جەخت لە فراوانكردنی ھاریكاری و ھاوكارییەكانی كەنەدا كرایەوە بەتایبەت لە خستنەگەڕی زیاتری ھەوڵەكانیان بۆ مەشقپێكردنی ھێزی پێشمەرگە و رێكخستنەوەی یەكە سەربازییەكان لەچوارچێوەی پشتیوانییەكانی ھاوپەیمانی نێودەوڵەتی بۆ رووبەڕووبوونەوەی تیرۆر.  
هەر بەپێی راگەیەنراوكە، هاوسەرۆكی یەكێتی نیشتیمانی كوردستان بنیادنانی دیالۆگی نیشتمانی لەنێوان ھێزەكانی ھەرێم و عێراق بە پێویست زانی و داوایكرد نوێنەری وڵاتان پشتگیری ئەو ھەوڵانە بكەن و ھاوكاربن بۆ تێپەڕاندنی ئەم قۆناغە، ئاماژەی بەھەنگاوەكانی جێبەجێكردنی سیستمی لامەركەزیش لە ھەرێم كرد و بە فاكتەری بەھێزتركردنی قەوارەی ھەرێم و زیاتر خزمەتكردنی كۆمەڵانی خەڵك وەسفیكرد.  
سەبارەت بە ھەڵبژاردنەكانی داھاتووی عێراقیش، بافڵ تاڵەبانی خواستی یەكێتی دووپاتكردەوە بۆ ئەنجامدانی ھەڵبژاردنێكی پاك و بێگەرد لەوادەی خۆیدا و دەیانەوێت لە كوردستان و بەتایبەتی ناوچە دابڕێندراوەكان وەك كورد بە یەكدەنگی و یەكھەڵوێستی بەشداری بكەن و یەكڕیزی نیشتمانی بپارێزن.  

هەواڵی دواتر

مباپێ‌: چیتر لەوە زیاتر چاوەڕێ ناكەم

كیلیان مباپێ‌ ئەستێرەی هەڵبژاردەی فەرەنسا و یانەی پاریس سانجێرمانی هەمان وڵات جەخت لەوە دەكاتەوە، چیتر …

وەڵامێک بنووسە

پۆستی ئەلکترۆنیکەت بڵاو ناکرێتەوە .