لیژنەی ناوچە كوردستانییەكانی دەرەوەی ئیدارەی هەرێمی كوردستان رایدەگەویەنێت: هەمو حزبە كوردستانیەكان هاوڕان لەسەر دروستكردنی لیستێكی هاوبەش لە ناوچە كوردستانییەكان.
دوای كۆبوونەوەی سەرۆكایەتی پەرلەمان و نوێنەری حزبە كوردستانییەكان، جوان رۆژبەیانی سەرۆكی لیژنەی ناوچە كوردستانییەكان لە پەرلەمانی كوردستان لە كۆنگرەكی رۆژنامەنووسیدا وتی: گەیشتینە ئەو ئەنجامەی كە هەمو لایەنەكان كۆدەنگن و بەشداری هاوبەشی هەمو لیستەكان بەیەكەوە كاریگەری دەبێت.
رونیشیكردەوە: چونكە ئێستا بازنەی دەنگدان لە پارێزگاكانی دەرەوەی ئیدارەی هەرێمی كوردستان بچوك بۆتەوە بۆیە هەمو لایەك هاوكاری یەكتر دەبن و بەیەك لیست بەشداری بكەن.
ئاماژەی بۆ ئەوەشكرد كە حزبەكان وەڵامیان هەبوو وە پێداگری ئەوە دەكەن كە بەیەك لیست بێت، بەڵام دانیشتنی دیكە دەكرێت بۆ ئەوەی بگەینە خاڵی كۆتایی و دواتریش خۆمان سەردانی حزبەكان بكەین تا ئەو لیستە هاوبەشە دروست بكرێت.
هەروەها گوتی: دەمانەوێ ئەو هەڵانەی كە لە رابردوو كراوە دووبارەی نەكەینەوە و كورد لە ناوچە كوردستانییەكان پەرتەوازە نەبن بۆیە بە شێوەی جیاواز لەم قۆناغەدا كاردەكەین.
